काठमाडौं । साताको दोस्रो दिन सेयर बजारमा दोहोरो अंकको गिरावट आएको छ । आज नेप्शे परिसूचक २१ दशमलव ३२ प्रतिशतले घटेर २०७५ दशमलव ९७ को विन्दुमा झरेको हो ।

सोमबार कुल ४ अर्ब ५ करोड १० लाख ७८ हजार रुपैयाँको शेयर कारोबार हुँदा दुई कम्पनीको शेयरमा सकारात्मक सर्किट लागेको छ ।

बजार घट्दा आज सिवाइसी नेपाल लघुवित्त वित्तीय संस्थाका लगानीकर्ताले सार्वधिक कमाएका छन् । आज कम्पनीको शेयरमा सकारात्मक सर्किट लाग्दा प्रति शेयर मूल्य १ हजार २८९ रुपैयाँ कायम भएको छ ।

साथै, बिपिडब्लु लघुवित्त वित्तीय संस्थाको शेयरमा सकारात्मक सर्किट लागेको छ भने प्रति शेयर मूल्य १ हजार ५५४ रुपैयाँ कायम भएको छ । यस्तै सिटि होटलको शेयर भने ९।९८ प्रतिशतले वृद्धि भएको छ भने प्रति शेयर मूल्य ५०८ रुपैयाँ कायम भएको छ ।