काठमाडौं । अर्थमन्त्री डा. प्रकाश शरण महतले राजश्व उठाउने काममा जिम्मेवार र कर्तव्यनिष्ठ भएर लाग्न निर्देशन दिएका छन् ।

बुधबार आन्तरिक राजस्व विभाग अन्तर्गत देशभरका कर्मचारीहरूलाई निर्देशन दिँदै अर्थमन्त्रीले यस्तो बताएका हुन् । आर्थिक वर्षको राजस्व पुरा गर्नका लागि सबै एक भएर लाग्नु पर्ने बताएका छन् ।

व्यक्तिगत लाभमा नलागि सेवाग्राहीमाझ सहज रुपमा प्रस्तुत हुन उनले आग्रह गरे । राजश्वको हिस्सा प्रतिशतमा वृद्धि गर्नुपर्ने भएकाले सबै एक भएर लाग्नुपर्ने उनको भनाइ छ ।