काठमाडौँ । अनेरास्ववियुले निकालेको मसाल जुलुसमा प्रहरीले लाठी प्रहार गरेको छ ।

आज साँझ नयाँ बानेश्वरमा अर्थमन्त्री जनार्दन शर्माको राजीनामा माग गर्दै गरिएको मसाल जुलुसमा प्रहरीले लाठी प्रहार गरेको छ । 

प्रहरीले मीनभवनस्थित नेपाल कमर्श क्याम्पस भित्र प्रवेश गरि लाठी प्रहार गरेको अनेरास्ववियुका केन्द्रीय सदस्य वम रावलले जानकारी दिए  । 

प्रहरीको लाठीबाट  प्रकास रावल, प्रविन गिरि र मिलन ओझा घाइते भएका छन् ।निषेधित क्षेत्रमा प्रदर्शन गरेको भन्दै प्रहरीले प्रदर्शनमा हस्तक्षेप गरेको थियो । 

अनेरास्ववियुले अर्थमन्त्री शर्माको पुतला समेत जलाएका थिए ।