काठमाडौं ।  पेट्रोलियम पदार्थको मूल्यवृद्धिको विरोधमा उत्रिएका अनेरास्ववियुका विद्यार्थीनेतामाथि प्रहरीले दमन गरेको छ ।

अनेरास्ववियुले मूल्यबृद्धिको बिरोधमा आज निकालेको राँके जुलुसमाथि त्रिचन्द्र कलेज अगाडि प्रहरीले विद्यार्थी नेतामाथि लाठी प्रहार गरेको छ । 

प्रहरीको लाठी प्रहारबाट अनेरास्ववियुवका वरिष्ठ उपाध्यक्ष आरसी लामिछानेसहित एक दर्जन बढी विद्यार्थी घाइते भएको अनेरास्वबियुका महासचिव समिक बडालले जानकारी दिए । 

वरिष्ठ उपाध्यक्ष सहित विद्यार्थी नेताको काठमाडौँ मोडल अस्पतालमा उपचार गरिएको छ । पेट्रोलियम पदार्थ मूल्यबृद्धिको अनेरास्ववियुले दैनिक विरोध प्रर्दशन गरिरहेको छ ।