काठमाडौं, । नेकपा (माओवादी केन्द्र) निकट अनेरास्ववियु (क्रान्तिकारी)को असन्तुष्टि पक्षले समानान्तर कमिटी घोषणा गरेको छ ।  

अध्यक्ष पञ्चा सिंहले संगठनमा एकलौटी गरेको भन्दै उपाध्यक्ष पवन कार्कीको नेतृत्वमा अलग्गै समानन्तर समिति घोषणा गरिएको हो । 

 कार्कीको संयोजकत्वमा  १ सय ९९ सदस्यीय आयोजक समिति बनाइएको छ । कार्की क्रान्तिकारीका उपाध्यक्ष हुन् । 

उनले अध्यक्ष पंचा सिंहले  बिधान विपरीत पदाधिकारी तथा केन्द्रिय समितिको संख्या थपेको बताए ।  उनका अनुसार सो आयोजक समितिले संगठनलाई बिद्यान बमोजिम काम कारवाही गराउन र सम्मेलनको तयारी गर्नेछ ।

आजै वानेश्वरस्थित नेपाल कमर्श क्याम्पसमा समानान्तर कमिटी घोषणा गर्ने तयारी गरिएको छ ।