काठमाडौँ ।  तत्कालीन नेकपाका बहुमत सचिवालय सदस्यहरूले भेटघाट गरेका छन। आज साँझ ललितपुर हात्तीवनस्थित व्यक्तिको घरमा उनीहरुको  भेट वार्ता भएको हो ।

भेटमा माओवादी अध्यक्ष पुष्पकमल दाहाल ‘प्रचण्ड’, नारायकाजी श्रेष्ठ, नेकपा (एकीकृत समाजावदी)का अध्यक्ष माधव नेपाल, समाजवादीका वरिष्ठ नेता झलनाथ खनाल र

नेकपा एकता अभियानका संयोजक वामदेव गोतमबीच भेटवार्ता भएको थियो । तत्कालिन नेकपाका नौ सचिवालय सदस्यमधये पाँच जनाले आज भेटवार्ता गरेका हुन् । 

प्रचण्डका स्वकीय सचिव रमेश मल्लले भेटवार्ताका क्रममा वर्तमान राष्ट्रिय राजनीति, राष्ट्रिय स्वाधीनताको स्थिति, स्थानीय निर्वाचन, वाम तथा समाजवादी आन्दोलन, नेपाली कांग्रेससँगको गठबन्धनका विषयमा छलफल भएको बताए ।

त्योबेला नेकपाका सचिवालयमा रहेका केपी शर्मा ओली, ईश्वर पोखरेल, विष्णु पौडेल र रामबहादु थापा ‘बादल’ अहिले एमालेमा नै छन् ।

नेतृत्व तहको यो छलफललाई निरन्तरता दिने समझदारीसमेत बनेको छ ।