काठमाडौं । कमलादीस्थित नेपाल प्रज्ञा प्रतिष्ठानमा नेकपा माओवादीको केन्द्रिय समितिको पूर्ण बैठक चलिरहदाँ सोही पार्टीको भातृ संगठन अखिल क्रान्तिकारीका उपाध्यक्ष पवन कार्की समुहले भने समानान्तर समिति बनाएको छ ।  ।

अध्यक्ष पञ्चा सिंहले संगठनमा विधान विपरीत पदाधिकारी चयन देखि केन्द्रिय समितिमा सदस्य थप गरेको भन्दै असन्तुष्ट पक्षले समानान्तर समिति घोषणा गरेको हो ।

उपाध्यक्ष पवन कार्कीको संयोजकत्वमा १९७ सदस्यीय बिशेष राष्ट्रिय भेला आयोजक समिति गठन गरेर समानान्तर समिति गठन गरेको हो ।

सो समूहले १९७ सदस्य केन्द्रिय आयोजक समिति गठन गर्दै प्रदेश १ मा भरत घिमिरे, मधेस प्रदेशमा शिवराज धमला, बाग्मती प्रदेशमा सुरजसिंह ठकुरी, गण्डकी प्रदेशमा विकास भट्टराई, लुम्विनी प्रदेशमा बिनोद बराल, कर्णाली प्रदेशमा पदम नेपाली, सुदुरपश्चिममा सिके भट्ट र बिशेष प्रदेशमा सञ्जिव कार्कीलाई इन्चार्ज( संयोजक तोकेको छ ।

सो समुहका उपदेश यादवका अनुसार झन्डै २ दर्जन केन्द्रिय बिभागमा पनि इन्चार्ज र सह–इन्चार्ज तोकिएका छन । आगामी बैठकले राष्ट्रिय सम्मेलनको मिति तय गर्ने यादवले जानकारी दिएका छन ।