काठमाडौं । नेपाली कांग्रेसका युवा केन्द्रीय सदस्य नैन्सिंह महरले म्यानमारको सैनिक सरकारले पूर्वसांसदसहित चार जनालाई मृत्य दण्ड दिएको खवरले विश्वलाई फेरि पाषाण युगमा हुने बर्बरता र क्रुरताको शासनको याद गराएको बताएका छन् ।

नेता महरले सामाजिक सञ्जालमार्फत यस्तो टिप्पणी गरेका हुन

 । 

“म्यानमारको सैनिक सरकारले पूर्वसांसदसहित चार जनालाई मृत्य दण्ड दिएको खवरले विश्व लाई फेरि पाषाण युगमा हुने बर्बरता र क्रुरताको शासनको याद गराएको छ, ” नेता महरले लेखेका छन्, “एएपीपीका अनुसार सैनिक सरकारले  २ हजार ११४ जनालाई मारेको छ भने १४ हजार ८४७ जना पक्राउ परेका छन् ।  लोकतान्त्रिक पद्धतिको खिल्ली उडाउने गरि मानव जीवनको स्वतन्त्रता र बाँच्न पाउने अधिकार माथिको यो हमलाले विश्व भरिका लोकतन्त्रवादीहरु लाई लज्जित बनाएको हुनुपर्छ ।”

नेता महरले म्यानमारमा भैईरहेको धरपकड र जनता माथिको दमन रोकेर यथाशिघ्र प्रजातन्त्र पुनर्वहालीको माग समेत गरेका छन् । महरले अघि लेखेका छन्, “नोवेल पुरुस्कार विजेता प्रजातन्त्रवादी नेतृ सूची हालसम्म पनि सैनिक सरकारको नजरबन्दमै छिन् । म्यानमारमा भैईरहेको धरपकड र जनता माथिको दमन रोकेर यथाशिघ्र प्रजातन्त्र पुनर्वहालीको माग गर्दछु ।”