काठमाडौं ।  नेकपा एमालेका अध्यक्ष केपी शर्मा ओलीले आगामी संघ र प्रदेशको निर्वाचनमा गठबन्धन लगायत अन्य दलले जतिसुकै घेराबन्दी गरे पनि एमालेले चुनाव जित्नैपर्ने बताएका छन् ।

आजबाट ललितपुरको च्यासलस्थित पार्टी केन्द्रीय कार्यालयमा शुरु भएको पार्टीको केन्द्रिय कमिटी बैठकलाई सम्बोधन गर्दै अध्यक्ष ओलीले परमादेशबाट हट्नु परेकाले जनताको समर्थनबाट एमालेले चुनाव जित्नैपर्ने बताए । 

उनले भने ‘जनताको शक्ति सशक्त ढंगले अघि बढेको छ । जनताको समर्थनबाट जित्नैपर्छ । एमालेले चुनाव हार्न मिल्दैन।’

अध्यक्ष ओलीले समृद्ध नेपाल, सुखी नेपालीको यात्रा सफल बनाउन आवश्यक रहेको भन्दै जतिसुकै घेराबन्दी भए पनि एमालेले चुनाव जित्नैपर्ने जिकिर गरे । 

उनले पाँच दलीय गठबन्धन सरकारको मनपरीका कारण संघीय प्रणाली र प्रादेशिक संरचनाप्रति वितृष्ण बढेको बताए ।

आजको बैठकमा विभिन्न ११ वटा कार्यसूचि रहेका छन् ।