काठमाडौँ, । नेकपा (एमाले)का अध्यक्ष केपी शर्मा ओलीले आगामी प्रतिनिधि सभाको निर्वाचनमा वहुमतका लागि १६ प्रतिशत मत आवश्यक रहेको बताएका छन् । 

आजदेखि शुरु भएको केन्द्रीय कमिटी बैठकमा राजनीतिक प्रतिवेदन पेश गर्दै उनले आगामी निर्वाचनमा वहुमतका लागि आवश्यक पर्ने १६ प्रतिशत मत अपुग रहेको र त्यसलाई वुद्धि गर्न सकिने भन्दै त्यसका लागि ठोस योजनाका साथ अगाडि बढ्नुपर्ने बताए । 

उनले प्रतिवेदनमा आफ्नो शक्ति र सामथ्र्यमाथिको आत्मविश्वास बढाउने, गठबन्धनको मनोवैज्ञानिक भयबाट मुक्त हुन पनि उल्लेख गरेका छन् । उनले निर्वाचनमा नयाँ पुस्ताको विशेष ध्यान दिन पर्ने समेत प्रतिवेदनमा उल्लेख गरिएको छ । 

उनले पार्टीको आन्तरिक एकतालाई सुदृढ गर्ने र त्यसका लागि स्थानीय तह निर्वाचनका क्रममा र त्यसभन्दा पहिले पनि रहेका असमझदारी रहेको भए खुलस्त छलफल, आलोचना, आत्मालोचना र अन्य विधिहरुमार्फत समाधान गर्ने र पार्टी एकतालाई बलियो बनाउने प्रतिवेदनमा उल्लेख गरेका छन् । 

उनले प्रतिवेदनमा पार्टीभित्र उत्पन्न समस्यामध्ये कुन चाहिँ असमझदारी हो, कुन असहयोग हो, र कुन चाहि अन्तरघा हो भन्ने कुराको बस्तुनिष्ठ, निष्पक्ष र सन्तुलित पहिचान गर्न असमझदारीलाई छलफलद्धारा असहयोगलाई आलोचनाद्धारा र अन्तरघातलाई कारवाहीको माध्यमबाट सम्बोधन गर्न आग्रह गरेका छन् ।