काठमाडौं । नेकपा (एमाले) केन्द्रीय निर्वाचन परिचालन कमिटीको पहिलो बैठक आज पार्टीको केन्द्रीय कार्यालय, च्यासल,ललितपुरमा विहान ११ देखि बसिरहेको छ । 

आगामी प्रतिनिधि सभा र प्रदेश सभा निर्वाचनका लागि पार्टीले अध्यक्ष केपी शर्मा ओलीको संयोजकत्वमा ४५१ केन्द्रीय निर्वाचन परिचालन कमिटी गठन गरेको थियो । 

उक्त कमिटीमा केन्द्रीय कमिटीका सदस्यहरू, केन्द्रीय लेखा परिक्षण आयोग, केन्द्रीय निर्वाचन आयोग, केन्द्रीय अनुशासन आयोग र केन्द्रीय सल्लाहकार परिषद्का पदाधिकारीहरू, जनसंगठनका अध्यक्ष र महासचिव तथा पार्टीको केन्द्रीय विभागका सचिवहरू रहेका छन् । 

बैठकले ३४ सदस्यीय केन्द्रीय सचिवालय कमिटी समेत गठन गरेको छ । उक्त सचिवालय कमिटीको सचिवमा विष्णु रिमाल चयन भएका छन् ।