कैलाली । नेकपा एमालेले कैलाली प्रतिनिधिसभा क्षेत्र नम्बर १ मा तीन जनाको नाम सिफारिस गरेको छ । आगामी मङ्सिर ४ गते हुने प्रतिनिधिसभा र प्रदेशसभाको लागि यहाँबाट प्रतिनिधि सभातर्फ तीन र प्रदेश सभा तर्फ नाम जिल्लामा सिफारिस गरिएको हो ।

प्रतिनिधि सभातर्फ सिफारिस हुनेमा तपेन्द्र रावल, सम थापा,  र शिलु खतिवडा (स्वार) रहेका छन् ।

त्यस्तै, प्रदेश क मा प्रेम चौधरी, रवीन्द्र, भावना बिक, डिल्ली राज जोशी र भोजराज शर्मा तथा प्रदेश (ख) मा द्वारिका न्यौपाने, दीपक रावल र भावना रतन रहेका छन् ।

प्रतिनिधि सभामा टीकापुरका पूर्व मेयर तपेन्द्र रावल, र सम थापा , प्रदेश (क)मा प्रेम चौधरी र भोजराज शर्मा तथा प्रदेश (ख)मा द्धारिकाप्रसाद न्यौपाने पाउने सम्भावना रहेको छ ।  थापा टीकापुर क्षेत्रका पुराना पत्रकार हुन् ।

कैलाली क्षेत्र नंं १ मा एमालेले गठबन्धन र नागरिक उन्मुक्ति पार्टीको सामना गर्नुपर्ने हुन्छ ।