काठमाडौँ, : नेकपा (एमाले)ले दशौं महाधिवेशनको प्रचारका लागि आज पार्टी मुख्यालय थापाथलीबाट आकाशमा बेलुन उठाएको छ । पार्टीका महासचिव ईश्वर पोखरेलले पार्टी कार्यालयबाट आज आकाशमा वेलुन उठाएका हुन् ।

बेलुन दशौं राष्ट्रिय महाधिवेशन अङ्कित लोगो र पार्टीको चुनाव चिन्ह सूर्य रहेको छ । वेलुन उठाउने कार्यक्रममा एमाले सचिव योगेश भट्टराई, केन्द्रीय सदस्य सूर्य थापा, सुजिता शाक्य लगायतका उपस्थिति रहेको थियो । 
यस्तै आजै युवा सङ्घ नेपालले महाधिवेशनको प्रचारकालागि काठमाडौँमा मोटरसाइल ¥याली गरेको छ ।

युवा सङ्घ नेपालका अध्यक्ष किरण पौडेलले ललितपुरको बालकुमारीबाट शुरु भएको मोटरसाइकल ¥याली लगनखेल, जावलाखेल, माइतीघर, बिजुलीबजार हुँदै बानेश्वर पुगेको बताए । एमाले महाधिवेशन यहि मङ्सिर १० देखि १२ गतेसम्म चितवनमा हुँदै छ । महाधिवेशनमा एक हजार १९९ जना प्रतिनिति सहभागी हुने छन् ।