काठमाडौँ , । नेपाली काँग्रेसको १४ औं महाधिवेशनबाट ८ जना सहमहामन्त्री निर्वाचित भएका छन् । शुक्रबार आएको मत परिणामबाट संविधानमा व्यवस्था गरिएको ८ वटा क्लस्टर अनुसार काँग्रेसमा सहमहामन्त्री विजयी भएका छन् ।

योसँगै खस आर्य, दलित, आदिवासी जनजाति, महिला, मधेसी, थारु, मुस्लिम र पिछडिएका क्षेत्र गरी सबै वर्ग र समूदायका मान्छे काँग्रेसको पदाधिकारी तहमा पुग्न सफल भएका छन् । 

जसमा देउवा प्यानलका ६ जना उम्मेदवार सहमहामन्त्रीका निर्वाचित भएका छन् भने कोइराला प्यानलबाट २ जनाले सहमहामन्त्रीमा बिजय भएका छन्  । देउवा समूहबाट महिला, मधेसी, थारु, खस आर्य, मुस्लिम र आदिवासी जनजातितर्फका सहमहामन्त्री निर्वाचित भएका छन् । यस्तै कोइराला समूहबाट दलित र पिछडिएका क्षेत्रतर्फका सहमहामन्त्रीका उम्मेदवार विजयी भएका छन् ।

दलिततर्फ सहमहामन्त्रीमा जीवन परियार, महिलातर्फ महालक्ष्मी उपाध्याय, आदिवासी र जनजातितर्फ भीष्मराज आङ्देम्बे, मुस्लिमतर्फ फर्मुल्लाह मन्सुर 
मधेशी महेन्द्र यादव, खस र आर्य  किशोरसिंह राठौर, पिछडिएको क्षेत्रबाट बन्द्री पाण्डे र थारूतर्फ उमाकान्त चौधरी विजय भएका छन् ।