काठमाडौँ । राष्ट्रपति निर्वाचनको मतदान सम्पन्न भएको छ ।

चुनावको मत गणना शुरु भएको निर्वाचन आयोगले जनाएको छ । 

मतगणना दुईतीन घण्टामा सकिने जनाइएको छ । 

बैठकले मतपेटिका खोल्दा पत्रकारको उपस्थिति खुल्ला गर्ने निर्णय गरेको छ । संघीय संसद र प्रदेश सभाको अलगअलग मत गणना हुने छ । मत गणनामा उम्मेदवारका निर्वाचन प्रतिनिधि र एकएक जना गणना प्रतिनिधि रहने छन् ।

रामचन्द्र पौडेलको तर्फबाट रमेश लेखक र सुवासचन्द्र नेम्वाङको तर्फबाट महेश बर्तौला प्रतिनिधि बस्ने भएका छन् । मतदान विहान १० देखि दिउँसो ३ बजेसम्म भएको थियो ।  नयाँ बानेश्वरस्थित संसद् भवनमा भएको मतदानमा कुल ८३१ मत खसेको निर्वाचन अधिकृतको कार्यालयले जनाएको छ ।