काठमाडौँ, । भोलि हुने स्ववियु निर्वाचन नेपाल कर्मस क्याम्पसमा अनेरास्ववियुले आफ्नो विरासत कायम गर्ने भएको छ । 

तीन ठूला विद्यार्थी संगठनविरुद्ध एकल उम्मेदवारी दिएको अनेरास्ववियुले आफ्नो विरासत कायम राख्ने भएको हो । नेपाल विद्यार्थी संघ, अनेरास्ववियु (क्रान्तिकारी) र अनेरास्ववियूले क्याम्पसमा तालमेल गरेका छन् । 

अनेरास्ववियुले २०३६ सालदेखि लगातार जित्दै आएको स्ववियु निर्वाचनमा यसपटक प्रविन गिरीलाई उम्मेदवार बनाएको छ । गिरी विद्यार्थी आन्दोलन आफू लागे र सवै विद्यार्थीले आफूलाई मत दिने बताउँछन् । उनले तीन ठूला विद्यार्थी संगठनको गठबन्धनले आफूलाई असर नगर्ने बताउँछन ।“ नेपाल कर्मश क्याम्पस अखिलले २०३६ सालदेखि जित्दै आएको छ । जति विद्यार्थी संगठनका गठबन्धन गरेपनि हामीलाई केही हुँदैन । हामी सजिलै चुनाव जित्छौ” उनले भने । 

यसअघि २०६५ सालमा स्ववियु निर्वाचनमा अखिलका बागि उम्मेदवार तुलसी मैनालीले निर्वाचन जितेका थिए । 

यसपटकको स्ववियु निर्वाचन अखिलले सचिव दिवस सापकोटा, कोषाध्यक्ष विशाल रोकाहा, सदस्यमा रविन्द्रसिंह धामी, रिया खनाल, कुशल कार्की, सौगात पुरी, मौसम आचार्य, दिपक केसी, अनिशा कार्की र नविन तामाङ रहेका छन् । 

अखिलले स्थायी कमिटी सदस्य वम रावललाई नेपाल कर्मश क्याम्पसमा जिताउनका लागि कमाण्डर खटाएको छ ।