काठमाडौं । कांग्रेस, माओवादी सहितको सत्तारुढ गठबन्धनमा आवद्ध दलमध्ये ४ दलको बैठक सुरु भएको छ ।

प्रधानमन्त्री निवास बालुवाटारमा सरकारको साझा न्यूनतम कार्यक्रमलाई अन्तिम रुप दिन गठबन्धनभित्र रहेका कांग्रेस, माओवादी, एकीकृत समाजवादी र जनता समाजवादीका शीर्ष नेताहरुको बैठक जारी रहेको हो ।

बैठक अगाडी उनीहरुले लोसपाका अध्यक्ष महन्थ ठाकुर समेतको हस्ताक्षर सहित बैशाख १० को उपचुनावमा गठबन्धनका उम्मेदवारलाई जिताउन पार्टीका नेता कार्यकर्तालाई सामुहिक अपिल समेत गरेका थिए । त्यसपछि गठबन्धनका ४ दलको बैठक बसेको हो ।

बैठकमा गठबन्धन सरकारको न्यूनतम साझा कार्यक्रमको विषयमा छलफल हुने प्रधानमन्त्रीको सचिवालयले जनाएको छ । बैठकले सरकारको साझा न्यूनतम कार्यक्रमलाई अन्तिम रुप दिने तयारी भएको नेताहरुको भनाई छ ।