काठमाडौं । प्रतिनिधि सभा बैठकमा कार्यव्यवस्था परामर्श समितिलाई पूर्णता दिइने भएको छ ।

बिहीबार दिउँसो १ बजेका लागि बोलाइएको प्रतिनिधि सभा बैठकमा सभामुख देवराज घिमिरेले प्रतिनिधिसभा कार्यव्यवस्था परामर्श समितिका लागि सदस्यहरुको नाम मनोनयन गर्ने कार्यतालिका संघीय संसद् सचिवालयले सार्वजनिक गरेको छ ।

सचिवालयले सार्वजनिक गरेको सम्भावित कार्यसूचीमा सार्वजनिक सेवा प्रसारण विधेयक २०७८ र सुरक्षण मुद्रण सम्बन्धी विधेयक, २०७८का सम्बन्धमा राष्ट्रिय सभाबाट प्राप्त सन्देशसहितको विधेयक टेबुल गरिने उल्लेख छ ।

त्यस्तै प्रधानमन्त्री पुष्पकमल दाहाल ‘प्रचण्ड’ले लोक सेवा आयोगको ६३औँ वार्षिक प्रतिवेदन पेस गर्ने कार्यतालिका छ ।