काठमाडौँ । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले १० बैशाखमा हुने उपनिर्वाचनमा गालीगलौज नगरी एजेण्डामा आधारित बहस गर्न आग्रह गरेका छन् । राजनीतिलाई सही बाटोमा लैजान एजेण्डा केन्द्रित बनाउनु पर्ने ओलीको भनाइ छ ।

सामाजिक सञ्जाल फेसबुकमा अध्यक्ष ओलीले गत निर्वाचनका क्रममा पनि नेपाली कांग्रेसका सभापति शेरबहादुर देउवाजीलाई बहसका निम्ति आउन आह्वान गरेको भए पनि आफ्नो प्रयास सफल नभएको उल्लेख गरेका छन् ।

‘उपनिर्वाचनलाई स्वस्थ र मर्यादित बनाउन व्यक्तिगत गालीगलौज नगरी एजेण्डामा आधारित बहस गर्न म आग्रह गर्दछु। मैले गत आम निर्वाचनका क्रममा पनि नेपाली कांग्रेसका सभापति शेरबहादुर देउवाजीलाई बहसका निम्ति आउन आह्वान गरेको थिएँ, त्यसबेला मेरो प्रयास सफल भएन,’ ओलीले फेसबुकमा लेखेका छन्, ‘अब हामीले राजनीतिलाई सही बाटोमा लैजान एजेण्डा केन्द्रित बनाउनै पर्छ।’