काठमाडौं । नेकपा एमाले अध्यक्ष केपी ओलीलाई गृहजिल्ला झापामा झटका लागेको छ ।

आफुसगै १७ बर्ष जेल बसेका एमालेका केन्द्रीय सल्लाहकार सदस्य नरेश खरेल, एमाले झापाकी उपसचिव चन्द्रा श्रेष्ठ, हिरा पोखरेललगायतका १० जनाले एकै पटक एमाले छाडेको घोषणा गरेर ओलीलाई गृहजिल्ला झापामै झटका लागेको हो ।  नरेश खरेलकी श्रीमती पवित्रा खरेल भने विदेशमा रहेकाले उनले एमाले छाडेकी छैनन् ।

उनले पनि एमाले छोडन सक्ने बताईएको छ ।

सहिद रत्नकुमार वान्तवाको स्मृति दिवसको अवसर पारेर उनिहरुले एमाले छोडेको घोषणा गरेका हुन् ।

पार्टी छोडेका खरेलसहितका नेताहरुले अब आफौ कुन पार्टीमा जाने भन्ने बारेमा केही नखुलाए पनि  उनिहरु एकीकृत समाजबादीका महासचिव घनश्याम भुसालसग सम्बादमा रहेकोले उनिहरु माधब नेपाल नेतृत्वको एकीकृत समाजवादीमा प्रबेश गर्न सक्ने अनुमान गरिएको छ ।

यसअघि एमाले हल्दिवारी गाउँपालिकाका पूर्व उपाध्यक्ष डम्बर गिरीले पनि एमाले छाडेर नेकपा समाजवादीमा प्रवेश गरेका थिए ।

पार्टीभित्र वैचारिक संघर्ष गर्ने क्रममा अनेक किसिमका अपमान तिरस्कारको सामना गर्नु परेको भन्दै ती नेता तथा कार्यकर्ताले एमाले छाडेको जनाएका छन् ।