काठमाडौं । नेपाली कांग्रेसका नेता डा। शेखर कोइरालाले पार्टी सुधार गर्न आफूहरु लागिपरेको बताएका छन् । शुक्रबार चितवनमा डेमोक्रेटिक लयर्स एसोसिएसनको ११औँ महाधिवेशनमा उनले चितवनसहित देशभर कांग्रेसको अवस्था राम्रो नभएको भन्दै आफूहरु एकढिक्का भएर लागेको बताए ।
डिएलएले चितवनलाई महाधिवेशनको थलो बनाएर लोकतान्त्रिक आन्दोलनलाई नयाँ ढंगबाट अगाडि बढाउने कांग्रेस अभियानलाई बल प्रदान गरेको उनको भनाइ छ । ‘चितवन त्यो भूमि हो जहाँबाट नेपालको लोकतान्त्रिक आन्दोलनले ऊर्जा प्राप्त गरेको छ, जहाँबाट निरंकुशताविरुद्ध बिगुल फुकेर अनेकन योद्धाहरुले सहादत प्राप्त गरेका छन्,’ उनले भने ।
अग्रजले प्रदान गरेको जिम्मेवारी पूरा गर्न सबै एकढिका भएर अगाडि बढ्नुपर्नेमा उनले जोड दिए । कोइरालाले एकपटक चितवन कांग्रेसको अवस्था बुझ्न पनि आग्रह गरे । चितवनमा कांग्रेसको अवस्था कम्जोर भएकाले आगामी दिनमा सुधार गर्नुपर्ने बताउँदै उनले भने, ‘चितवनभित्र कांग्रेसमा भएका कमजोरीलाई पत्ता लगाइदिनुहोस्, हामी कांग्रेसलाई सुधार गर्ने पक्षमा प्रतिवद्ध छौँ ।’
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९