काठमाडौँ, । स्थानीय तह सदस्य निर्वाचन, २०७९ को मतगणनाको परिणाम आउने क्रम जारी छ । मङ्गलबार साँझ ७ बजेसम्म निर्वाचनको आयोगको प्रणालीमा प्रविष्ट भएअनुसार हालसम्म ३३५ स्थानीय तहको अन्तिम मत परिणाम सार्वजनिक भएको छ ।

मतगणना भइरहेका नगरपालिकामध्ये प्रमुख पदमा नेपाली काँग्रेसले ३६ मा जित हासिल गरी ७१ स्थानमा अग्रता कायम गरेको छ । सो पदमा नेकपा (एमाले) ले १८ स्थानमा जित हासिल गरी ५५ स्थानमा अग्रता कायम गरेको छ ।

नेकपा (माओवादी केन्द्र) ले प्रमुख पदमा ८ स्थानमा जित र १७ स्थानमा अग्रता कायम गरेको छ । 
नेपाल कम्युनिष्ट पार्टी (एकीकृत समाजवादी)ले सो पदमा १ स्थानमा जित र ९ स्थानमा अग्रता कायम गरेको छ । अन्यले ३ स्थानमा विजय हासिल गरी २९ स्थानमा अग्रता कायम गरेका छन् ।

मतगणना भइरहेका नगरपालिकामध्ये उपप्रमुख पदमा नेपाली काँग्रेसले २७ स्थानमा जित हासिल गरी ६३ स्थानमा अग्रता कायम गरेको छ । सो पदमा नेकपा (एमाले) ले २२ स्थानमा जित हासिल गरी ६७ स्थानमा अग्रता कायम गरेको छ । नेकपा (माओवादी केन्द्र) ले उपप्रमुख पदमा ११ स्थानमा जित र २२ स्थानमा अग्रता कायम गरेको छ ।

नेपाल कम्युनिष्ट पार्टी (एकीकृत समाजवादी)ले सो पदमा ३ स्थानमा जित र ७ स्थानमा अग्रता कायम गरेको छ । अन्यले २ स्थानमा विजय हासिल गरी २२ स्थानमा अग्रता कायम गरेका छन् । 

मतगणना भइरहेका गाउँपालिकाको अध्यक्ष पदमा नेपाली काँग्रेसले ११७ स्थानमा जित हासिल गरी ६८ स्थानमा अग्रता कायम गरेको छ । सो पदमा नेकपा (एमाले) ले ७७ स्थानमा जित हासिल गरी ४० स्थानमा अग्रता कायम गरेको छ । 

नेकपा (माओवादी केन्द्र) ले अध्यक्ष पदमा ६६ स्थानमा जित र २० स्थानमा अग्रता कायम गरेको छ । नेकपा (एकीकृत समाजवादी)ले ४ स्थानमा जित र ४ स्थानमा अग्रता कायम गरेको छ । अन्यले ८ स्थानमा विजय हासिल गरी २६ स्थानमा अग्रता कायम गरेका छन् ।

मतगणना भइरहेका गाउँपालिकाको उपाध्यक्ष पदमा नेपाली काँग्रेसले १२० स्थानमा जित हासिल गरी ६६ स्थानमा अग्रता कायम गरेको छ । सो पदमा नेकपा (एमाले) ले ७२ स्थानमा जित हासिल गरी ४३ स्थानमा अग्रता कायम गरेको छ ।

नेकपा (माओवादी केन्द्र) ले उपाध्यक्ष पदमा ६७ स्थानमा जित र २१ स्थानमा अग्रता कायम गरेको छ । 
नेकपा (एकीकृत समाजवादी)ले ७ स्थानमा जित र ३ स्थानमा अग्रता कायम गरेको छ । अन्यले ७ स्थानमा विजय हासिल गरी २४ स्थानमा अग्रता कायम गरेका छन् ।