चितवन । भरतपुर महानगरपालिकाको प्रमुखमा नेकपा (माओवादी केन्द्र)की रेणु दाहाल जितको नजिक पुगेकी छन्  । प्रमुखमा नेकपा एमालेका उम्मेदवार विजय सुवेदीविरुद्ध रेणुले लिएको अग्रताभन्दा गन्न बाँकी मत कम रहेको छ ।

रेणुले एमालेका उम्मेदवार विजय भन्दा ११ हजार ४ सय ५७ मतको अग्रतामा रहेकी छन् । रेणुले ४७ हजार ४० मत ल्याउँदा विजयले ३५ हजार ५ सय ८३ मत ल्याएका छन् । 
अहिलेम्म एक लाख १६ हजार ६ सय ६६ मत गणना भएको छ । गन्न बाँकी मत ११ हजार १ सय ७३ छ ।

महानगरपालिकाका १ देखि २५ नम्बरसम्मका वडाको गणना सम्पन्न भएको छ । २६ नम्बर वडाको मतगणना अन्तिम चरणमा पुगेको छ ।
२७ नम्बर वडाको मत गणना पनि सुरु भइसकेको छ ।