धनगढी, । कैलाली उद्योग वाणिज्य संघको निर्वाचनबाट पुष्पराज कुँवर प्यानल सहित पुनः निर्वाचित भएका छन् । उनले ६७८ मत प्राप्त गर्दै निर्वाचित  भएका हुन्  ।

उनका प्रतिद्धन्द्धी सुरेन्द्र राठीले ३५५ मत पाएका छन् ।  शुक्रबार भएको निर्वाचनमा एक हजार ९५ मत मात्र खसेको थियो।

यस्तै वरिष्ठ उपाध्यक्षमा पुष्करराज ओझाले ६१२ मत प्राप्त गर्दै बिजय भएका छन् भने उनका प्रतिस्पर्धी हरिशंकर ठाकुरले ४१९ मत ल्याए ।

उद्योग उपाध्यक्षमा दिनेश लम्साल ६२१, प्राप्त गरि बिजय भएका छन । उनका प्रतिस्पर्धी घनश्याम चौधरीले ३६३, ल्याए । 

एशोसिएट उपाध्यक्षमा मनोज अग्रवालले ५१६, मत र  वस्तुगत उपाध्यक्षमा लक्ष्मणराज पन्तले ५४६, प्राप्त गरि बिजय भएका छन् । 

महासचिव ओमबहादुर विष्ट विजयी भएका छन् । उनले ५१४ ल्यए भने उनका प्रतिद्धन्द्धी सिद्धराज पनेरुले ४८१ मत पाएका छन् । 

कोषाध्यक्षमा भीमराज ओझा अब्बुले ६८० र  सुरेश पाण्डेयले ३९९ मत ल्याई बिजय भएका छन् ।