काठमाडौँ, ।  अनेरास्ववियुले नेपाल बाहिर रहेका केन्द्रीय कमिटीका सदस्य र निर्वाचनमा पार्टी निर्णय विरुद्ध जानेलाई कारवाही गरेको छ ।

अनेरास्ववियुका महासचिव समिक बडालले सर्कुलर जारी गर्दै मुलुक बाहिर रहेका चार जना केन्द्रीय कमिटीमा रहेकालाई संगठनबाट विदाई गर्ने बताए ।

उनका अनुसार सचिव टीकाजंग थापा, सचिवालय सदस्य श्रीकृष्ण उप्रेती, केन्द्रीय सदस्य अबानी पौडेल र हेमन्त तामाङलाई केन्द्रीय कमिटीबाट विदा गर्ने भएको छ ।

यस्तै अखिलले स्थानीय तहको निर्वाचनमा वागी उम्मेदवार बनेका केन्द्रीय सचिव कनिष पट्टेल, सुदूरपश्चिम प्रदेश संयोजक नेत्र मैनाली र सिटीइभिटी राष्ट्रिय कमिटीका संयोजक यज्ञ भट्टलाई संगठनको साधारण सदस्य नरहने गरी कारवाही गरेको उनले बताए ।

यस्तै अखिलले सचिवालय सदस्य राजु कार्की र केन्द्रीय सदस्य प्रकाश पौडेललाई स्थानीय तहको निर्वाचनमा पार्टीका आधिकारिक उम्मेदवार विरुद्ध लागेको आरोपमा निलम्बन गरेको सर्कुलरमा जनाइएको छ ।