सञ्चारकर्मी रवी लामिछानेले सञ्चारकर्म छाडेर राजनीतितर्फ लागेको घोषणा गरेका छन् । आगामी संसदीय निर्वाचनमा स्वतन्त्र उम्मेदवारी दिने चर्चा चलिरहँदा लामिछानेले संचारकर्म विट मार्दै राजनीतितर्फ लम्किएको बताए ।

एक भिडियोसन्देश सार्वजनिक गर्दै लामिछानेले आफू रहरले सञ्चारकर्मी बनेको तर परिस्थितीले राजनीतिज्ञ बन्न लागेको बताए । ‘अब म आफ्नो आवाजलाई टेलिभिजनको पर्दाबाट संसदसम्म पुर्याउन चाहान्छु । म रहरले सञ्चारकर्मी भएको हो तर परिस्थितीले मलाई राजनीतिज्ञ बनाउने भयो । आजबाट पूर्णकालिन राजनीतिमा आएको छु ।’ भिडियो सन्देशमा उनले भनेका छन् ।

त्यसैगरी आगामी असार ७ गते काठकाडौंको राष्ट्रिय सभागृहबाट कसरी अघि बढ्ने भन्ने विषयमा कार्यक्रम गरेर जानकारी दिने समेत बताएका छन् । यसअघि न्यूज २४ को ‘सिधा कुरा जनतासँग’ भन्ने कार्यक्रमबाट सञ्चार क्षेत्रमा थप उचाइ बनाएका लामिछाने हाल ग्यालेक्सी फोर टेलिभिजनमा आवद्ध रहेका थिए । राजनीति लाग्ने भएसँगै बिहीबार नै ग्यालेक्सी फोरके टेलिभिजनबाट बिदा भएर अब पूर्णकालिन राजनीतिमा लाग्ने समेत बताएका छन् ।