संस्कृती पर्यटन तथा नागरिक उड्ययन मन्त्रीबाट राजिनामा दिएका नेकपा एकीकृत समाजवादीका नेता प्रेम आलेले आफु ९० प्रतिशत सफलता हात पारेको दाबी गरेका छन् । मन्त्री पदबाट राजिनामा दिएपछि सिंहदरबारस्थित मन्त्रालयमा पत्रकार सम्मेलन गर्दै आलेले भने– ‘मैले यो अवधिमा ९० प्रतिशत अंक ल्याएको ठानेको छु ।’

आफूले एक्सन मन्त्रीको उपमा समेत पाएको भन्दै उनले आफुलाई आफ्नो काममा सन्तुष्टि मिलेको बताए । पशुपति धर्मशाला, विमानलाई काठमाडौँबाहिर पनि राख्नुपर्ने ब्यवस्था, लगायतका धेरै राम्रा काम गरेको उनले बताए ।

अर्को प्रसँगमा उनले राजनीतिक दलका शिर्ष नेताले राजनीतिक नियुक्तिमा दबाब दिने गरेको बताएका छन् । सिंहदरबारमा पत्रकार सम्मेलन गर्दै आलेले पार्टीका नेताको दबाबका कारण कतिपय ठाउँमा राम्रा मान्छेलाई नियुक्त गर्न नसकिएको बताए । आफ्नो अनुभवमा राम्रा भन्दा पनि ठिकै का नराम्रा मान्छेलाई पनि नियुक्ति गर्नुपर्ने अवस्था आएको तर आफुले सकेसम्म रोक्ने कोशिस गरेको पनि उनले दाबी गरे ।

अन्तिममा उनले भने टाइगर जिन्दा हे भनेजस्तै पदमा भए पनि नभएपनि आफुले नयाँ मन्त्रीलाई सहयोग गर्ने आलेको भनाइ छ ।