काठमाडौँ ।  नेकपा (एकीकृत समाजवादी)बाट सहभागी पाँच जना मन्त्रीले राजीनामा दिएपछि सोही पार्टीबाट नयाँ मन्त्री बनेका छन् ।

राष्ट्रपति विद्यादेवी भण्डारीले  प्रधानमन्त्री शेरवहादुर देउवाको सिफारिसमा एकीकृत समाजवादीका पाँच जनालाई मन्त्री बनाउँदै मन्त्रिमण्डल पुर्नगठन गरेकी छन् ।

संस्कृति, पर्यटन तथा नागरिक उड्डन मन्त्रीमा जीवनराम श्रेष्ठ, शहरी विकास मन्त्रीमा मेटमणि चौधरी, स्वास्थ्य मन्त्रीमा भवानीप्रसाद खापुङ, श्रम तथा रोजगारमन्त्रीमा शेरवहादुर कुँबर र स्वास्थ्यराज्यमन्त्रीमा हिराचन्द्र केसी बनेका छन् ।

यसअघि स्वास्थ्यराज्यमन्त्री बनेका खापुङयसपटक फुल मन्त्री बनेका छन् ।

यसअघि समाजवादी सरकारमा सहभागी चार जनाले आज मन्त्रीपदबाट राजीनामा दिएका थिए ।