रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । उनले असार ७ गते राष्ट्रिय स्वतन्त्र पार्टी घोषणा गरेका थिए ।

शुक्रबार पत्रकार सम्मेलन गरेर लामिछानेले आफ्नो पार्टी निर्वाचन आयोगमा राष्ट्रिय स्वतन्त्र पार्टीकै नाममा दर्ता भएको जानकारी दिएका छन् । त्यस्तै चुनाव चिन्ह गोलाकारभित्र घण्टी पाएको उनले बताएका छन् ।

राजनीतिक दलको नाममा स्वतन्त्र शब्द राख्न नपाइने भन्दै निर्वाचन आयोगमा उजुरी समेत परेको थियो । लामिछानेले आयोगमा दल औपचारिकरुपमा दर्ता भएसँगै अब जनताको बीचमा जाने बताएका छन् । उनले अब औपचारिक रुपमा दल दर्ता भएकाले जनताको बीचमा गएर धेरै कुराहरु गर्ने बताएका छन् ।