काठमाडौँ ।  काठमाडौँ उपत्यकामा थप दुई जनामा हैजा भेटिएको छ ।  

स्वास्थ्य तथा जनसङ्ख्या मन्त्रालयको इपिडिमियोलोजी तथा रोग नियन्त्रण महाशाखा निर्देशक डा. चुमनलाल दासले गएराती थप दुई जनामा हैजाका विरामी भेटिएको बताए । 
ति दुवै जनाको अहिले उपचार भइरहेको छ । 

कागेश्वरी मनहरा नगरपालिकाका वडा नं. ६ का १२ बर्षिय बालक र काठमाडौँ–१३ का ५८ बर्षको पुरुषमा हैजा भेटिएको उनले बताए । थप दुई जनामा हैजा भेटिएसंगै अहिलेसम्म २३ जनामा हैजा भएको पुष्टि भएको छ । 

उनका अनुसार १२ बर्षिया बालकको कागेश्वरी मनहरास्थित स्थानीय अस्पतालमा र काठमाडौँका ५८ बर्षिय पुरुषको टेकुस्थित शुक्रराज ट्रपिकल तथा सरुवा रोग अस्पतालमा उपचार भइरहेको छ । 

अहिलेसम्म तीन जनाको उपचार र अन्यको उपचारपछि घर फर्किसकेका छन् ।