काठमाडौँ । नेकपा ९एमाले०का युवा नेता खिमलाल भट्टराईले  निर्वाचनलाई स्वच्छ, मर्यादित र विश्वसनीय बनाउन सवैमा आग्रह गरेका छन् ।

सामाजिक संजालमा उनले राजनीतिमा राजनीतिक पृष्ठभूमिको मानिसलाई प्रवेश गराउनका लागि निर्वाचन खर्च घटाउनुपर्ने बताएका छन् ।

उनले निर्वाचनलाई कमभन्दा कम खर्चिलो   र स्वच्छ कसरी बनाउने आजको आवश्यकता भएको औल्याए ।

उनले पैसा धनवाला निर्वाचनबाट निर्वाचित भएर आएको खण्डमा जनताको जीवनको परिवर्तन, लोकतन्त्रको सवलिकरण र समाजवादको यात्रामा पुग्न नसकिने ठोकुवा गरे । 

“अहिलेको चुनावको तरिका र आर्थिक खर्चको हिसाबले पार्टीहरूले पनि धनी मान्छे नै उम्मेदवार खोज्नुपर्ने अवस्था आउने भयो । यसरी त राजनीतिक पृष्ठभूमि केही नभएका बिभिन्न धन्दाबाट धनपैसा कमाएका दलालहरूको हातमै राजनीति जाने भयो । चुरिफुरि सबै तिनैको हुने भयो ।  त्यसरी आउनेहरुबाट केको जनताको जीवनमा परिवर्तन, केको लोकतन्त्रको सबलीकरण र केको समाजवाद तर्फको यात्रा । त्यसैले यस विषयमा गम्भीर बनौ । ” उनले भनेका छन् । 
 

निर्वाचन खर्च घटाउने यस्ता छन् सुझाव 

१. चुनाव प्रचारको अवधि २० दिनभन्दा बढी नराखौँ  ।

२. दुई दिनको मौन अवधिलाई सके हटाऔँ, नसके एकदिनमा सीमित गरौँ ।

३. पार्टीले सामान्य कागजमा घोषणापत्र र उम्मेदवारले सामान्य पोष्टर र पर्चा  बाहेक केही पनि छाप्न र बाड्न नपाउने बनाऔँ। चुनाव चिन्ह र पार्टीको झण्डा वाहेक टोपी, भेष्ट वा अरु कपडाजन्य सामग्रीको माध्यमबाट गरिने प्रचारलाई पूर्ण बन्देज गरौँ ।

४. चुनावको अवधिभर रक्सी सेवन र विक्री वितरणलाई  पूर्ण बन्देज गरौ ।

५. गाडी तथा मोटरसाइकल र्‍यालीलाई पूर्ण प्रतिबन्ध लगाऔ ।

६. प्रचारको क्रममा जिल्ला र सङ्घीय निर्वाचन क्षेत्र स्तरमा एक÷एक ओटा मात्रै आमसभा गर्न पाइने बनाऔँ ।

७. गाडी घोडाको प्रयोगलाई पनि सीमित बनाऔ ।

गरीब मुलुकका हामी नागरिकले केही चिज पनि भड्किलो गर्न जरुरी नभएको भन्दै उनले अति सामान्य हिसाबले जनताको वीचमा आ–आफ्ना भएसम्मका वलिया विचार लिएर जाने तरिका अपनाउनुपर्नेमा जोड दिए ।