काठमाडौँ । – नेकपा एमाले अध्यक्ष केपी शर्मा ओलीले नेपाली काँग्रेसलाई बन्चरो, माओवादी केन्द्र र एकीकृत समाजवादीलाई त्यसको बिँडको रुपमा ब्याख्या गरेका छन् ।  ।

आज यहाँ  आयोजित अगुवा कार्यकर्ता भेलामा अध्यक्ष ओलीले कांग्रेसलाई विगतमा २३ सिटमा खुम्च्याइदिएर कम्युनिष्टलाई ठाडो शिर गरेर हेर्न नसक्ने बनाइ दिएको तर अहिले कम्युनिष्टलाई हराउन कम्युनिस्ट नै कांग्रेसको बींड बनेको बताए ।

कार्यक्रममा बोल्दै उनले बिँड बिनाको बन्चरोले रुख ढाल्न नसक्ने र एमाले रुपी रुख ढाल्न प्रचण्ड र माधव नेपालले बिँडको भूमिका खेलेको बताए ।

दुई तिहाईको कम्युनिष्ट सरकार तिनै बिँडले ढालेको भन्दै प्रचण्ड र माधव नेपालको पछि लाग्ने कार्यकर्तालाई कम्युनिष्ट पार्टी सिध्याउने बिँडको भूमिकामा नलाग्न सम्झाउने अभियान थाल्न आग्रह गरे ।