काठमाडौँ, । स्वास्थ्य तथा जनसङ्ख्या मन्त्रालयले नेपाल कोरोना भाइरसको सङ्क्रमणबाट मृत्यु हुने अधिकाङ्शले खोप नलगाएको जनाएको छ ।
मन्त्रालयका सहप्रवक्ता डा. समिरकुमार अधिकारीका अनुसार अहिलेसम्म मृत्यु भएकामध्ये ७५ प्रतिशतले कोरोना भाइरस विरुद्धको खोप लगाएका छैनन् ।
उनले कोरोना भाइरस विरुद्धको खोप नलगाएकाहरु उच्च जोखिममा भएकोेले खोप लगाउन आग्रह गरे ।
“खोप नलगाएकाहरु उच्च जोखिममा रहेकोले खोप नलगाउनु भएका सवैले आफ्नो नजिकको स्वास्थ्य सङ्स्थामा गई आवश्यकता अनुसार पहिलो, दोस्रो र बुष्टर मात्रा खोप लगाउन आग्रह गर्दछौ” उनले भनेका छन् ।
आज मात्र कोरोना भाइरसको सङ्क्रमणबाट दुई जनाको निधन भइको छ । अहिलेसम्म ११ हजार ९७४ जना सङ्क्रमणको कारणले मृत्यु भएको छ ।
नेपालमा सङ्क्रमणको कारणले प्रति दशलाखमा ४१०.२ जनाको निधन भइसकेको छ ।
मन्त्रालयका अनुसार खोप नलगाएको मानिसलाई कोभिड–१९ सङ्क्रमण भयो भने त्यस्ता मानिस गम्भिर रुपमा विरामी पर्ने र मृत्यु हुने सम्भावना खोप लगाएको मानिसको तुलनामा १० गुणा बढी हुने गर्दछ ।
यस्तै पहिलो र दोस्रो खोप लगाएकाहरुले बुष्टर मात्रा लगाउन आग्रह गयिरएको छ । बुष्टर मात्रा खोपले गम्भिर विरामी पर्ने वा मृत्यु हुनबाट लगभग ८५ प्रतिशत सुरक्षा प्रदान गर्दछ ।
सरकारले लक्षित जनसङ्ख्याको ९३.३ प्रतिशत पहिलो मात्रा र ८८.५ प्रतिशत दोस्रो मात्राको खोप लगाइसकेका छन् ।
मन्त्रालयले कोभिड–१९ बाट सङ्क्रमित ५० प्रतिशत मानिसमा कुनै पनि लक्षण नदेखिएकोले सङ्क्रमणबाट बच्नका लागि खोप लगाउन आग्रह गरिएको छ ।
मन्त्रालयले सङ्क्रमणबाट बच्नका लागि नाक, मुख छोपिने गरि सही तरिकाले मास्क लगाउन, भौतिक दुरी कायम गर्न, खोक्दा वा हाच्छ्यु गर्दा पाखुरादेखि नाडीसम्मको भागले छोप्न, झ्याल सधै खुला राख्न र वेलाबेलामा सावुन पानीले मिचिमिचि हात धुन आग्रह गरेको छ । अहिले दैनिक एक हजारभन्दा बढी सङ्क्रमण देखिने गरेको छ ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९