काठमाडौं ।  नेपाली कांग्रेसको बुधबार बोलाइएको पदाधिकारी बैठक महामन्त्री गगन थापाको अध्यक्षतामा बसेको छ ।

सभापति शेरबहादुर देउवा र दुई उपसभापति पूर्णवहादुर खड्का र धनराज गुरुबैठकमै अनुपस्थित भएपछि बुधबार बोलाइएको कांग्रेसको पदाधिकारी बैठक महामन्त्री गगन थापाको अध्यक्षतामा बसेको हो ।
गगन थापा कांग्रेसको महामन्त्री र उनीभन्दा माथि काग्रेसको वरियतामा पार्टीका उपसभापति, सभापति लगायतका नेताहरु छन् । 

१४ औं महाधिवेशनबाट महामन्त्री निर्वाचित भएपछि थापाले पहिलो पटक कांग्रेसको बैठक अध्यक्षता गरेका हुन् ।

सभापति देउवाले कार्यब्यस्तता देखाएका छन् । उपसभापति खड्कालाई कोरोना संक्रमण भएको छ भने अर्का उपसभापति गुरुङ अष्ट्रेलिया भ्रमणमा छन् । सोही कारण पनि आजको पदाधिकारी बैठकको अध्यक्षता महामन्त्री थापाले गर्न पाएका हुन् ।

काग्रेसले आगामी साउन ३० र ३१ गते स्थानीय तहमा निर्वाचित जनप्रतिनिधीलाई अभिमुखिकरण कार्यक्रम राखेको छ । त्यसैको तयारीका लागि कांग्रेसको पदाधिकारी बैठक बोलाइएको हो ।