डा. बाबुराम भट्टराई माओवादी  चिन्हमा चुनाव लड्लान त ?
काठमाडौं । नेपाल समाजवादी पार्टीका नेताहरु माओवादी केन्द्रको चुनाव चिह्नमा प्रदेश र प्रतिनिधिसभा निर्वाचन लड्न तयार भएका छन् ।

आइतबार  बसेको बैठकले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाल समाजवादी पार्टीका अध्यक्ष बाबुराम भट्टराईबीच एउटै चुनाव चिन्ह लिएर लड्ने र पछि पार्टी एकता गर्ने समेत तयारी गरिएको छ । 

नेसपाका अध्यक्ष महेन्द्र राय यादवका अनुसार समाजवादी गठबन्धन बनाउने र एउटै चुनाव चिह्न लिएर संयुक्त रुपमा जान दुबै दल सहमत भएका छन् । 

दुई नेताबीच एउटै घोषणा पत्र, साझा समानुपातिक सूची र एउटै चिन्ह लिएर चुनावी मैदानमा उत्रने सहमति भएको छ ।

नेसपाका अध्यक्ष भट्टराई गोरखा क्षेत्र नम्बर २ र यादव सर्लाही ४ बाट प्रत्यक्ष निर्वाचित सांसद हुन् ।

२०७३ साल जेठ ३० गते तत्कालिन माओवादी छाडेर भट्टराईले नयाँ शक्ति पार्टी गठन गरेका थिए । त्यसपछि उनी जनता समाजवादी पार्टीसंग एकता गरेका थिए । जनता समाजवादी  पार्टीसंगै सैद्धान्तिक कुरा नमिलेपछि उनले केही दिन अघि मात्र नेपाल समाजवादी पार्टी गठन गरेका हुन ।