काठमाडौं, ४ मङ्सिर । नेकपा (एमाले)ले आगामी महाधिवेशनको उद्घाटन सत्रमा आथितिको रुपमा प्रधानमन्त्री शेरवहादुर देउवालाई निमन्त्रणा गरेको छ ।
प्रधानमन्त्री निवास वालुवाटारमा पुगि प्रधानमन्त्री देउवालाई एमालेका संसदीय दलका नेता सुभास नेम्बाङ र महाधिवेशन अतिथि सत्कार समितिका संयोजक डा. राजन भट्टराईले उद्घाटन समारोहमा आथित्यका लागि निमन्त्रणा पत्र हस्तान्तरण गर्नु भएको एमालेका प्रचार विभाग उपप्रमुख सूर्य थापाले जानकारी दिए ।
एमाले महाधिवेशन यहि मङ्सिर १० देखि १२ गते चितवनमा हुँदै छ ।
उहाँका अनुसार एमालेले उद्घाटन समारोहमा आथित्यका लागि नेकपा (माओवादी केन्द्र), लोकतान्त्रिक समाजवादी पार्टी, नेपाल (लोसपा) नेपाल मजदुर किसान पार्टीलाई पनि निमन्त्रणा गरेको छ ।
आजै महाधिवेशन अतिथि सत्कार समितिका संयोजक डा. भट्टराईले माओवादी केन्द्रका अध्यक्ष पुष्पकमल दाहाल ‘प्रचण्ड’, लोसपाका अध्यक्ष महन्ठ ठाकुर, नेमकिपाका अध्यक्ष नारायणमान बिजुक्छेलाई समेत निमन्त्रण पत्र हस्तान्तरण गरेका थिए ।
प्रचार विभाग उपप्रमुख थापाले चाँडै नै जनता समाजवादी पार्टीृ (जसपा), राष्ट्रिय प्रजातन्त्र पार्टी लगायत अन्य सवै पार्टीलाई महाधिवेशनका लागि निमन्त्रणा गर्ने बताए ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९