काठमाडौं । नेपाल समाजवादी पार्टीका अध्यक्ष डा. बाबुराम भट्टराई र एकता राष्ट्रिय अभियानका अध्यक्ष वामदेव गौतम नेकपा (माओवादी केन्द्र)को चुनाव चिन्हबाट निर्वाचनमा भाग लिने भएका छन् ।   

माओवादी केन्द्रले आफनो पार्टीको चुनाव चिन्ह्रमा डा.  भट्टराई नेतृत्वको नेपाल समाजवादी पार्टी र  गौतम नेतृत्वको नेकपा एकता राष्ट्रिय अभियानलाई आफ्नो पार्टीको चुनाव चिन्हबाट आगामी निर्वाचनमा भाग लिन दिने निर्णय गरेको छ ।

माओवादी पार्टीको केन्द्रीय कार्यालय पेरिसडाँडामा बसेको माओवादीको स्थायी समिति बैठकले डा.  भट्टराई  र गौतमको पार्टीलाई आफनो पार्टीको चुनाव चिन्ह्रमा चुनाव लड्न दिने गरी सहमति दिने निर्णय गरेको हो । 

माओवादी केन्द्रका प्रवक्ता कृष्णवहादुर महराले बामदेवको पार्टी र बाबुराम भटटराईको पार्टीलाई माओवादीको चुनाव चिन्ह्रमा चुनाव लड्ने गरी स्थायी समिति बैठकले अनुमोदन गरेको जानकारी दिए ।

यो निर्णयसँगै आजै दिउँसो २ बजे निर्वाचन आयोग पुगेर माओवादी, नेपाल समाजवादी पार्टी र बामदेवको पार्टीले निर्वाचन आयोगलाइ जानकारी गराउनेछन् ।

नेकपा (एमाले)बाट अलग भएका गौतम केही दिन अघि नेकपा पुर्नगठन गर्नुपर्ने भन्दै एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकलम दाहालसंग भेट गरेका थिए ।