नेकपा एमालेका नेता  घनश्याम भूसालले  माओवादी अध्यक्ष प्रचण्डलाई सोह्रश्राद्धको पुरेत भनेका छन् । मार्क्सवादी ज्ञान केन्द्रले आइतबार काठमाडौंमा समाजवादको नेपाली मार्गचित्र विषयमा विचार गोष्ठीमा उनले प्रचण्ड मञ्चमा प्रबेश गरदा उनलाई सोह्रश्राद्धका पुरेत र चुनावको बेलाका नेता एकै हुन् भनेर व्यङ्ग्य गरेका हुन् । 

मञ्चबाट बोलिरहेका भूसालले व्यङ्ग्य गर्दै प्रचण्डलाई स्वागत गर्दै भने, ‘चुनावको बेलाका नेता सोह्रश्राद्धका पुरेत जस्तै हुन्छन् । मैले अघि पनि यही भनें । प्रचण्डजीलाई कार्यक्रममा स्वागत छ ‘’ हलमा ताली र हाँसो एकसाथ गुञ्जिएका थियो  । मार्क्सवादी ज्ञान केन्द्रले आइतबार काठमाडौंमा समाजवादको नेपाली मार्गचित्र विषयमा विचार गोष्ठीमा नेकपा माओवादी केन्द्रका अध्यक्ष प्रचण्ड, नेकपा एकीकृत समाजवादी पार्टीका अध्यक्ष माधव नेपाल, नेकपा एमालेका नेता घनश्याम भुसाललगायतका नेताहरू आमन्त्रित  रहेका थिए ।

कार्यक्रममा सहभागी पूर्वप्रधानमन्त्री माधवकुमार नेपाल आफू बोलेर कार्यक्रमबाट बाहिरिए पछी  अर्का नेता घनश्याम भूसालले समाजवादको नेपाली मार्गचित्र प्रस्तुत गरिरहँदा कार्यक्रम हलमा माओवादी केन्द्रका अध्यक्ष प्रचण्ड प्रवेश गरे ।