मन्त्रिपरिषद्का पूर्वअध्यक्ष एवम् पूर्व प्रधानन्यायाधीश खिलराज रेग्मी राष्ट्र गौरव मान पदवीबाट सम्मानित हुने भएका छन् ।  सरकारले संविधान दिवसको अवसरमा उनलाई सो पदकबाट सम्मानित गर्ने भएको हो । 

गृह  मन्त्रालयले निकालेको सूचना अनुसार राष्ट्रपति विद्यादेवी भण्डारीले उनी सहित राजनीतिज्ञ स्व. जीवराज न्यौपाने 'आश्रित' र संस्कृतिविद् सत्यमोहन जोशीलाई समेत राष्ट्र गौरव मान पदवीद्वारा विभूषित गर्ने घोषणा गरेकी छन् ।  

९९८ वटा पदक तथा विभूषण प्रदान
राष्ट्रपति विद्यादेवी भण्डारीले संविधान दिवसको अवसरमा ९९८ वटा पदक तथा विभूषण प्रदान गरेकी छन्। भदौ ३१ गतेको मन्त्रिपरिषद्को सिफारिसको आधारमा राष्ट्रपति भण्डारले नेपाल रत्नसहित विभिन्न ९९८ वटा विभूषण पदक प्रदान गरेकी हुन्।

भण्डारीले संविधान दिवसमा संविधानको धारा २७७ को उपधारा १ बमोजिम पदक प्रदान गरेको राष्ट्रपति कार्यालयले जनाएको छ।