काठमाडौँ ।सत्ता गठबन्धनले प्रदेश सरकार गठनका लागि सहमति जुटाएको छ । 

आइतबार बालुवाटारमा बसेको सत्ता गठबन्धनको बैठकले सातै प्रदेशको सरकार गठनमा सहमति जुटाएको हो ।सहमति अनुसार, एमालेले प्रदेश १ सँगै गण्डकी र लुम्बिनी प्रदेशको मुख्यन्त्री पाउनेछ । प्रदेश १ मा एमाले संसदीय दलका नेता हिक्मत कार्की आइतबार साँझ नै मुख्यमन्त्रीमा नियुक्त भइसकेका छन् ।

यसैगरी, कर्णाली प्रदेशको मुख्यमन्त्री माओवादी केन्द्रले पाउने भएको छ । बागमती र सुदूरपश्चिम प्रदेशमा भने एमाले-माओवादी केन्द्रले आलोपालो सरकारको नेतृत्व गर्नेछन् ।  यस्तै, मधेस प्रदेशमा जसपा र जनमतले आलोपालाे सरकारको नेतृत्व गर्ने सहमति भएको जनाएको छ ।

स्रोतका अनुसार  प्रदेश १, गण्डकी, लुम्बिनी र सुदूरपश्चिम प्रदेशसभाको सभामुख माओवादी केन्द्रले पाउने सहमति भएको छ ।  यसैगरी मधेस र कर्णाली प्रदेशसभाको सभामुख एमालेले र बागमती प्रदेशसभाको सभामुख राष्ट्रिय प्रजातन्त्र पार्टीले पाउने सहमति भएको छ ।