काठमाडौँ । नेकपा एमाले निकट विद्यार्थी सङ्गठन अनेरास्ववियुको महाधिवेशन जारी रहेको छ । हिजोदेखि जारी अनेरास्ववियुको महाधिवेशन भोलिसम्म जारी रहने छ । 

महाधिवेशनमा आजबाट नयाँ नेतृत्वका लागि मतदान हुनेछ । अखिलले सहमतिमा नेतृत्व चयन हुन नसकेमा मतदान प्रक्रियाबाट नेतृत्व चयन गर्ने घोषणा गरेको हो । 

नयाँ नेतृत्व चयनका लागि अध्यक्ष सुनिता बरालले हिजो आफ्नो कमिटी भंग गरी भानुभक्त ढकाल नेतृत्वको अध्यक्ष मण्डलको घोषणा गरिन् । जसमा खिमलाल भट्टराई, विनोद ढकाल, रचना खड्का, माधव ढुङ्गेल, किशोर विक्रम मल्ल, नबिना लामा, ऐन महर र सुनिता बराल सदस्य रहेका छन् ।

अखिलको भावी नेतृत्वको लागि वरिष्ठ उपाध्यक्ष आरसी लामिछाने र मोती विश्वकर्मा र महासचिव समिक बडालले दाबी रहेको छ। महाधिवेशनमा सहभागी हुन देशभरिबाट एक हजार पाँच सय ८८  प्रतिनिधि आएका छन् ।