काठमाडौं । नेकपा एमाले)को आसन्न १० औं राष्ट्रिय महाविधेशनका लागि बाँकेबाट तीन जना केन्द्रीय सदस्यमा उम्मेदवारी दिने तयारीमा रहेका छन् । 
महाधिवेशन मिति नजिकिदै गर्दा वाँकेबाट युवा नेता सूर्य ढकाल, महिलामा बसन्ती अधिकारी र मुस्लिमकोटाबाट हलिम शाहले उम्मेदवारी घोषणा गरिसकेका छन् । ढकाल खुला केन्द्रीय सदस्यका लागि उम्मेदवारी दिने घोषणा गरेका हुन् ।  
यस्तै अधिकारी महिला खुला केन्द्रीय सदस्य र साह मुस्लिम कोटाबाट केन्द्रीय सदस्यमा उम्मेदवारी घोषणा गरेका छन् । ढकाल युवा संघ नेपालको सचिव हुँदै उपाध्यक्ष र बाँकेमा पार्टीको संकट भएको वेला नेतृत्व गरेका थिए । उनी वाँकेमा एक नम्बरको पार्टी बनाउनका लागि लाग्ने आशा लाग्दा नेता हुन् । उनले पार्टीलाई फरक ढंगबाट लैजानका लागि युवा नेता केन्द्रीय सदस्यमा अटाउनुपर्ने बताउनुहुन्छ । उनले पार्टीमा युवा नेतृत्व भए मात्र आगामी तीनै तहको निर्वाचनमा पार्टीको वहुमत ल्याउने दावी गरे ।