काठमाडौँ, । नेकपा (एमाले)ले पदाधिकारी र केन्द्रीय कमिटी सदस्य थप गर्ने निर्णय गरेको छ । हिजो राती बसेको केन्द्रीय कमिटी बैठकले पदाधिकारी र केन्द्रीय कमिटी सदस्य थप गर्ने निर्णय गरेको हो । 

एमाले प्रचार विभाग प्रमुख योगेश भट्टराईका अनुसार उपाध्यक्ष दुई, उपमहासचिव दुई र केन्द्रीय कमिटी सदस्य ७६ थप गर्ने भएको हो । 
उहाँले विधान संशोधन गर्दै अव एमालेमा एक अध्यक्ष, एक वरिष्ठ उपाध्यक्ष, ६ उपाध्यक्ष, एक महासचिव, तीन उपमहासचिव, सात सचिव रहने छन् । अव पदाधिकारी १९ पुगेका छन् । 

यस्तै केन्द्रीय कमिटी ३०१ बनाइएको छ । यसअघि गत असोज १५ देखि १७ गतेसम्म भएको विधान महाधिवेशनले २२५ केन्द्रीय कमिटी संख्या पारित गरेको हो । 
यस्तै बैठकले पुनः पोलिटव्युरो सदस्य बनाउने निर्णय गरेको छ । यसअघि विधान महाधिवेशनमा पोलिटव्युरो सदस्य हटाउने निर्णय गरेको थियो । 
स्थायी कमिटी ४५ र पोलिटव्युरो ९९ सदस्य बनाउने निर्णय गरिएको छ । 
यस्तै निर्वाचन आयोग, अनुशासन आयोग र लेखा आयोगको पदाधिकारी पनि थप गर्ने निर्णय गरेको छ । यसअघि १५ जना पदाधिकारी रहेकोमा २५ जना बनाउने निर्णय गरेको हो । 
पदाधिकारी र केन्द्रीय कमिटी संख्या थप गर्ने निर्णयसंगै एमालेले सर्वसम्मत गर्ने निर्णय गरेको छ । आजदेखि महाधिवेशनको बन्दसत्र शुरु हुदै छ ।