काठमाडौं, । चितवनको सौराहामा जारी नेकपा (एमाले)को दशौं राष्ट्रिय महाधिवेशनको वन्दसत्र अझै शुरु भएको छैन ।  सहमतिका लागि प्रयास गर्दा विहान शुरु हुने भनिएको बन्दसत्र अझै शुरु नभएको हो । 
बन्दसत्र शुरु नभएपछि महाधिवेशनमा सहभागी प्रतिनिधि सौराहा सडकमा बसेर चियागफ गरिरहेका छन् । महाधिवेशनमा सहभागी हुने केही प्रतिनिधि भने बन्द सत्रमा भित्र छिराइएको छ । पार्टी अध्यक्ष केपी शर्मा ओलीले सर्वसम्मत नेतृत्व चयनको प्रयास गर्दा बन्द सत्र लम्बिएको हो । हिजो राती अवेर केन्द्रीय कमिटीको बैठक बसेर चार पदाधिकारी सहित ३०१ केन्द्रीय कमिटीको संख्या पुर्‍याउने निर्णय गरेको थियो । 
अध्यक्ष ओलीले वरिष्ठ उपाध्यक्षमा सुभाष नेम्बाङ्लाई मनाउन नसक्दा अझै बन्दसत्र शुरु नभएको हो । अध्यक्ष ओलीले अहिले नेम्बाङलाई राखेर सहमतिको प्रयास गरिरहेका छन् । हिजोदेखि शुरु भएको एमाले महाधिवेशनले भोलि सकिदै छ ।