काठमाडौं । नेपाली कांग्रेसका बरिष्ठ नेता रामचन्द्र पौडेलले आसन्न पार्टीको महाधिवेशनका लागि आफ्नो समूहबाट सभापतिमा साझा उम्मेदवार भोलि बनाउने भएको छ ।

पौडेल पक्षले आज चाक्सीबारीमा दिनभरि छलफल गरेपनि नटुंगिएपछि भोलि विहान ९ बजे बस्ने बैठकले सभापतिको उम्मेदवार तय गर्ने भएको हो । साझा उम्मेदवार बनाउनका लागि सहमति नजिक पौडेल पक्ष पुगेको छ । 

महामन्त्री शशांक कोइरालाले भने पौडेललाई समर्थन गर्दै आफ्नो दाबेदारी फिर्ता लिएका छन् । प्रकाशमान सिंह र शेखर कोइरालाले दावी फिर्ता लिएका छैनन । सम्भवत पौडेल नै सभापतिको उम्मेदवार बन्ने चर्चा रहेको छ ।