काठमाडौँ, । नेपाली कांग्रेसको नयाँ नेतृत्वका लागि सभापतिमा शेरबहादुर देउवा र शेखर कोइरालाले आआफ्नो प्यानलको उम्मेदवारी दर्ता गराएका छन् । देउवा प्यानलबाट उपसभापतिमा  विजयकुमार गच्छदार र पूर्णबहादुर खड्कालाई उम्मेदवारी परेको छ । 

यस्तै महामन्त्रीमा प्रदीप पौडेल र डा. प्रकाशशरण महतले उम्मेदवारी दर्ता गराएका छन् ।  यसैगरी देउवा टीमबाट सहमहामन्त्रीमा जनजातिबाट भीष्मराज आङ्देम्बे, दलितबाट मानबहादुर विश्वकर्मा, मधेसीबाट महिन्द्र यादव, खस आर्यबाट किशोर सिंह राठौर, थारुबाट उमाकान्त चौधरी, मुस्लिमबाट फर्मुल्लाह मन्सुर उम्मेदवारी परेको छ । यस्तै पिछडिएको क्षेत्रबाट सहमहामन्त्रीमा जीवनबहादुर शाही र महिलाबाट डिना उपाध्याय रहेका छन् ।

यस्तै सभापतिका अर्का उम्मेदवार शेखर कोइरालाको प्यानलबाट उपासभापतिमा चन्द्र भण्डारी र धनराज गुरुङको उम्मेदवारी दिएका छन् । 
महामन्त्रीमा गगन थापा र मिनेन्द्र रिजालको तथा सहमहामन्त्रीमा खसआर्यबाट देवराज चालिसे, महिलाबाट कमला पन्त, दलितबाट जीवन परियार, मधेसीबाट रामकृष्ण यादव, मुस्लिमबाट शेख वकिल, पिछडिएको क्षेत्रबाट बद्री पाण्डे, आदिवासी जनजातिबाट  विकास लामा र थारुबाट तेजुलाल चौधरीको उम्मेदवारी परेको छ ।