काठमाडौं । नेपाली कांग्रेसको नयाँ नेतृत्व चयनका लागि आज बिहानदेखि मतदान हुँदैछ । केन्द्रीय निर्वाचन समितिको कार्यतालिका अनुसार बिहान ८ बजेदेखि नै मतदानको तयारी गरेपनि मतपत्र छपाईमा ढिलाई भएकोले अझै मतदान शुरु भएको छैन । 

एक सभापतिका लागि हुने मतदानमा ५ जना,  दुई उपसभापतिका लागि ७, दुई जना महामन्त्रीका लागि ६ र ८ जना सहमहामन्त्रीका लागि १९ जनाको उम्मेदवारी परेको छ । नयाँ केन्द्रीय समितिको पदाधिकारी र केन्द्रीय सदस्य गरी १३४ पदका लागि ५४८ जनाले मनोनयन दर्ता गराएका छन् । तीमध्ये पदाधिकारीमा उम्मेदवारी दिएका २ जना र केन्द्रीय सदस्यमा उम्मेदवारी दिएका ५८ जनाले मनोनयन फिर्ता लिएका छन् । प्रदेश २ बाट दुई केन्द्रीय सदस्यमा रमेश रिजाल र आनन्दप्रसाद ढुंगाना भने निर्विरोध भएका छन् । ।

 मतदानका लागि राष्ट्रिय सभागृहमा दुईवटा र भृकुटीमण्डपमा एउटा बुथ कायम गरिएको छ । मतदान केन्द्रमा करिब एक हजार एक सय बुथ व्यवस्था गरिएको छ । मतदान साँझ ५ बजेसम्म हुने छ । महाधिवेशनमा ४ हजार ७ सय ४३ जनाले मतदान गर्नेछन् । सभापतिमा शेरवहादुर देउवा, डा. शेखर कोइराला, विमलिन्द्र निधि, प्रकाशमान सिंहले प्रतिस्पर्धा गरेका छन् । सभापतिका चारै जना उम्मेदवारले आआफ्नो प्यानल बनाई प्रतिस्पर्धामा उत्रिएका छन् ।