काठमाडौँ । नेपाली कांग्रेस महाधिवेशनमा अहिलेसम्म चार हजार मत खसेको छ । बिहान ११ बजेदेखि सुरू भएको मतदान रातिसम्म जारी रहने निर्वाचन समितिले जनाएको छ।

निर्वाचन समितिले राति ९ बजेसम्म मतदान हुने सूचना जारी गरेको थियो। तर, अब राति १० बजेसम्म मतदान हुने छ ।  कांग्रेस महाधिवेशनमा ४ हजार ७४३ जना मतदाताले मतदान गरिरहेका छन् ।  मतदान भृकुटीमण्डप  र सभा गृहमा हुँदै छ ।

मतदानका लागि तीनवटा मतदान केन्द्रको व्यवस्था गरिएको छ । १३४ पदका लागि ५४८ जना उम्मेदवार रहेका छन् । मतपत्र लामो रहेकोले एक जनालाई कम्तिमा पनि आधाघण्टा मतदान गर्न समय लाग्ने गर्दछ ।  महाधिवेशनमा सभापतिका लागि पाँच जनाले प्रतिस्पर्धा गरिरहेका छन्। सभापतिमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ उठेका छन्।