काठमाडौं । नेपाली कांग्रेसको महाधिवेशन अन्तरगत सभापति चयनका लागि भएको निर्वाचनको मतगणना जारी छ । जारी मतगणनाअनुसारको शेरवहादुर देउवा अगाडि रहेका छन् । देउवा डा. शेखर कोइराला, प्रकाशमन सिंह र विमलिन्द्र निधि भन्दा अगाडि रहेका छन् ।

देउवाले अन्य चार जना उम्मेदवार भन्दा बढी मत प्राप्त गरेपनि विधान अनुसार मत ल्याएर विजय भने हुन सक्ने छैन । जसको कारणले पुनः सभापतिमा निर्वाचन हुने  निश्चित रहेको छ ।

अहिलेको मतपरिणाम अनुसार अहिलेसम्म ४२७६ मत गनिसक्दा देउवाले २०४६ मत पाएका छन् । त्यस्तै अर्का उम्मेदवार शेखर कोइरालाले १६१५ ,प्रकाशमान सिंहले ३३५ मत, विमलेन्द्र निधिले २३८ मत  र कल्याण गुरुङले २० मत मात्र प्राप्त गरेका छन् । ।