काठमाडौं । नेपाली कांग्रेसको १४ औं महाधिवेशनको उपसभापतिको मतगणना भइरहेको छ । पार्टी कार्यालय सानेपामा उपसभापतिको मतगणना भइरहेको हो । जारी मतगणनामा सभापतिमा शेरवहादुर देउवा पक्षिय नेताको अग्रता रहेको छ । धनराज गुरुङ र पूर्णबहादुर खड्काले अग्रता लिएका छन् ।

पहिलो पटक सार्वजनिक मतपरिणाम अनुसार धनराज गुरुङले १३१, पूर्णबहादुर खड्काले १२८, विजयकुमार गच्छदारले १२२, चन्द्र भण्डारीले ९५ मत पाएका छन् । त्यस्तै सुजाता कोइरालाले ३६, महेश आचार्यले २५ र दिव्येश्वरी शाहले ६ मत पाएका छन् । उपसभापतिको सकिएपछि महामन्त्रीको मतगणना हुने छ । आजै राती उपसभापतिको मतगणना सकिने निर्वाचन समितिले जनाएको छ ।